का उगा मी का वृथा मी क्षालनाची शर्थ केली
राजनीतीची पुजा मी अंधभक्ति व्यर्थ केली

मार्ग माझ्या दैवतांचे बदललेले का न कळले
मीच त्यांचे पाय धुण्या ही जवानी खर्च केली

ना कधी हव्यास केला कोणत्याही मी पदांचा
त्या प्रलोभी मर्कटांची सुश्रुशा बिनशर्त केली

होत गेला खेळ माझा, बाहुले बनलो कसा मी
नीच लोकांचीच सेवा मानली उस्फुर्त केली

ना कुठे दिसलास तू ना भेटलासी शेवटाला
ही पुराणे वेद स्तोत्रे मी वृथा गुरुतुल्य केली

बेहेरे मकरंद