काय वानू मी तुम्हाला ......

काय वानू मी तुम्हाला त्या परीची ती अदा हो
कोण कुठली, कोण जाणे भासली मजला खुदा हो

रंग तीचे रूप तीचे पाहिले ना मी कधी ही
सोडलेल्या कुंतलावर मीच का झालो फिदा हो

त्या निळ्या नयनातुनी का बोलली वेडी अशी ती
त्या नभातुन अमृताचा बरसला मग तो सडा हो

पाहताना नाहताना ती बघे का दर्पणी त्या
तोच दर्पण मीच व्हावे वाटते मजला सदा हो

तीच आली बोलली ती मी तुझी रे मी तुझी रे
भेट दिधला जीव मजला, ओल झाल्या या कडा हो

बेहेरे मकरंद