जीव असतानाच होतो टाकलेला वेगळा
जीव गेला देह माझा जाळलेला वेगळा
का तुझ्या मुखड्या वरी रे भाव दिसला वेगळा
ऐकता तो प्रश्न माझा राखलेला वेगळा
वार तू केलेस जखमा लाघवी ह्रदयावरी
जपुन आहे "हा" कलेजा माखलेला वेगळा
रोज करती "लाल" अपुली साधु नेते मंडळी
बापुजींचा मूक पुतळा वाकलेला वेगळा
बहर येतो मोगर्याला याद ती येता तुझी
अंगणातच एकटा तो वाळलेला वेगळा
बेहेरे मकरंद
No comments:
Post a Comment