तोच होता आज संगे भावलेला यार माझा
कोण मी उरलो विचारे हरवलेला यार माझा

विखुरलेल्या चांदण्यावर ओस पडले यामिनीचे
ना कळे अर्ध्यावरी का झोपलेला यार माझा

मीच केले लाख होते वार वर्मी पाशवी हो
अन् जनांचा दगड ही तो सोसलेला यार माझा

काल केल्या कान गोष्टी का सख्यानों बावळ्याच्या
नाव घेतानाच दिसला मातलेला यार माझा

आज मी करते वृथा तो शोक माझ्या बोलण्याचा
का तिच्या विळख्यात होता, गमवलेला यार माझा

बेहेरे मकरंद