होणे न वेगळे ते ठरले पुन्हा नव्याने
चुकले सख्या प्रिया रे सोडून दे अबोला
देते तुला हवे ते हरले पुन्हा नव्याने
बेचैन या मनाला दे ना जरा दिलासा
आकाश ते ढगांनी भरले पुन्हा नव्याने
गेली सरुन गेली ती रात्र तारकांची
लाजून चांदणे हे सजले पुन्हा नव्याने
चोरून भेटल्याचे शेजेस गूज कळले
सोडून आज लज्जा धजले पुन्हा नव्याने
सजवून कोर भाळी आली समोर जेव्हा
गेला ऋतू न आला स्मरले पुन्हा नव्याने
सोडून तो दिला रे होता प्रयास त्याने
परतून तीच आली जमले पुन्हा नव्याने
बेहेरे मकरंद
No comments:
Post a Comment