वाट काळ्या कुंतलाची वाटते ती पाहताना
पावले धुंदीत वेडी भासली गे चालताना

पावसाने कहर केला अंगणातच झेलताना
सावरावे ते कशाला ओढणीने वाळताना

आरशातच मी बघावे अनवधाने येत जाता
बोलतो तो गूज वेडे काय घडते नाहताना

कवडशातच चांदव्याच्या बिल्वरे का वाजली ती
लाजली तू काय सांगू मोगरा मी माळताना

घास तुजला भरवताना मीच हाती तांबुलाचा
कात तो पडला फिका गे ओठओठी दाबताना

बेहेरे मकरंद