पात डावी लवे, कौल माझ्या मना

पात डावी लवे, कौल माझ्या मना
सजण येणार ना, आज सजले पुन्हा

सुकला नयनातला आसवांचा झरा
वाट बघता तुझी दिवस जाई पुरा
वाळला, माळला गंध ना मोगरा
काय चुकले कुठे काय झाला गुन्हा

याद येता झुले, अंगणी तो झुला
स्वप्न रचली किती काय सांगू तुला
धीर गेला असा चैन नाही मला
सुचवी तो आरसा कोर लावी पुन्हा

प्रेम खाणाखुणा शिकवल्या तू मला
काळजा साजणा जपुन मी ठेवल्या
उधळते त्या प्रिया, तू कुठे हरवला
बरसते मी कशी परत ये तू पुन्हा

बेहेरे मकरंद