तुझ्या आठवणी....

आठवत मला समुद्रावर बसलेलो
हातात हात घेऊन,डोळ्यात डोळे घालून
पण तो स्पर्श आता शरीर जळत जातो

आठवत मला नेहमी तुझा होकार असायचा
माझ्या प्रत्येक अरेरावीला
पण आता ते शब्द डोळ्यात अश्रू आणतात

आठवत मला चांदण्या रात्री किती
बिलगुन असायचो एकमेकाना
आता त्या चांदण्या मला वाकुल्या दाखवतात

आठवत मला ,माझ्या बोटाना वेड होत
तुझ्या गर्भरेशमी केसांमधून फिरायच
तो रेशमी स्पर्श आता निवडुंग झाला वाटत

आठवत मला सर्व हळवे
प्रेमाचे क्षण तुझ्या बरोबरचे
वाटत त्या क्षणांमध्ये कधीच जिवंत श्वास नव्हता

आठवत मला काहीच नसताना
तू भांडून गेलास कायमचा
वाटत तू लायक नव्हतास प्रेमासाठी खर्या

स्नेहा (देवराई}