सगळीकड़े तुझाच सानिध्य का रे मला भासत ?

हि झुलुक वार्याची
गेली स्पर्शुन मला
जाता - जाता कुजबुजली
बोलावले त्याने तुला

रंगित एक फुलपाखरू
हळूच हातावर बसल
म्हणत, घेउन रंग तुझ्यासाठी
त्यानेच मला धाडल

सुर्यफुलाची नजर एकटक
माझ्याकडेच लागली
हा त्याच्याच मिश्किलपणा
फुलाने बाजू मांडली

रातराणीचा गंध हा
रात्र सरून जाईना
मनभर तुझीच मीठी
डोळा लागुन देईना

खिडकितुन चंद्रमा
माझ्या उशाशी डोकावतोय
चांदण्या नजरेच्या तुझ्या
माझ्यावर सांडतोय

हा गजरा मोगर्याचा
मी नाही अजुन माळला
करेल ना एक - एक फुल
माझ्याशी खोडकरपणा

सगळीकड़े तुझाच सानिध्य
का रे मला भासत ?
माझ्या मनी तूच वसलास
म्हणुन मला का अस वाटत ?

स्नेहा ( देवराई )