ती म्हणाली काल जेव्हा....श्वास माझा थांबला ना !
मी म्हणालो... सोड बाता, थांबला तो संपला ना !!

*

ती म्हणाली काल जेव्हा....मी तुझी रे, सांग हो ना ?
मी म्हणालो... थांब थोडे, जीव माझा टांगला ना !!

*

ती म्हणाली काल जेव्हा....चंद्र-तारे माळतो ना ?
मी म्हणालो... ना खुळे हा हट्ट वेडा चांगला ना !!

*

ती म्हणाली काल जेव्हा.....प्रेम-रागा आळवू ना,
मी म्हणालो....घाबरोनी...मेघ तो ही पांगला ना !!

*

ती म्हणाली काल जेव्हा.....सातजन्मी मी तुझी ना ?
मी म्हणालो...काय बोलू ? बेत थोडा लांबला ना !!

*

ती म्हणाली काल जेव्हा....घेउ गाडी-बंगला ना,
मी म्हणालो...जा मुली जा...एकटा मी चांगला ना !!

*